Тываның Аныяктар яамызы Дүрген-2016 өөредилге шуулганынче киржикчилер шилилдезин чарлаан

 Тыва Республиканың Аныяктар херээ болгаш спорт яамызы Тыва Республикада аныяктарның хөй-ниити эгелээшкиннерин сайзырадыр, сайгарлыкчы ажыл-чорудулгаже аныяктарны хаара тударынче угланган хемчеглерни боттандырар, аныяктарның социал ужур-дузалыг (өөредилге, партиотчу, информастыг, экологтуг база сайгарлыкчы) төлевилелдерин деткип база күүседир, националдар аразында хамаарылганы быжыглаар сорулга-биле, Тыва Республикада Тыва хүндүлээчел чоруктуң чылынга база ТАР-ның 95 оюнга тураскааткан, 2016 чылдың июль 18-ден 23 хүннеринде эртер «Тыва – хөгжүлдениң территориязы (Дүрген-2016)» аныяктарның өөредилге шуулганынга киржикчилер шилилдезин чарлаан. 

 2016 чылда шуулганның өөредилге программазында беш аңгы шөлдү планнаан: "Сен - сайгарлыкчы сен", "Эки турачы чорук", "Аныяктарның хөй-ниити лидерлери", "Студент чаңгыс чер чурттуглар", "Аныяктар - 2050". Шуулган үезинде «Аныяктарның бизнес-төлевилели-2016» республика мөөрейиниң III чадазын база өске-даа социал төлевилелдерниң конкурузун эрттирер. 

  Тайылбырларны дараазында адрестен билип алыр: Кызыл хоорай, Калинин кудумчузу, бажың 1б, 2-ги каът, каб. 201. Харылзажыр телефону: 8(39422) 6-05-03.

 https://molpravtuva.timepad.ru/event/346799/ ссылкада онлайн бүрүткелди кылып турар.