Тываның Баштыңының хүлээлгезин күүседип турар Шолбан Кара-оол социал ажылдакчыларга күрүне шаңналдарын тывыскан

 Тываның Баштыңының хүлээлгезин күүседип турар Шолбан Кара-оол профессионал байырлалы-биле чыылганнарга байыр чедирген, чоннуң амыдырал-чуртталгазын экижидеринге оларның киирип турар салыышкынын демдеглээн болгаш күрүне шаңналдарын тывыскан. 

 Россия Федерациязының Күш-ажыл болгаш социал камгалал яамызының Хүндүлел бижиин Кызыл хоорайда чонну ажылга хаара тудар төптүң специализи Алимаа Болат-ооловна Лопсанейге, Улуг-Хем кожууннуң күш-ажыл болгаш социал хөгжүлде эргелелиниң начальниги Жанна Кыргысовна Сарыгларга, «Социал-күш-ажыл адырының тергиини» хүндүлүг атты Тыва Республиканың Күш-ажыл болгаш социал хөгжүлде яамызының экономиктиг планнаашкын, бухгалтер учеду болгаш отчет килдизиниң консультантызы Надежда Ивановна Плотниковага тывыскан. 

  Тыва Республиканың Баштыңының өөрүп четтириишкинин Эрзин кожуунда чонну ажылга хаара тудар төптүң директору Светлана Ижиевна Сотпага, Өвүр кожуунда чонну ажылга хаара тудар төптүң кол бухгалтерии Аяна Даржаповна Сатка, Бии-Хем кожуунда чонну ажылга хаара тудар төптүң директору Мира Татар-ооловна Ондарга чарлаан. 

 Тыва Республиканың Баштыңының Хүндүлел бижиин «Бүренниң психоневрология интернат-бажыңы» албан чериниң салбыр эргелекчизи Анастасия Салчаковна Клоянга, «Бүренниң психоневрология интернат-бажыңы» албан чериниң санитарказы Айланмаа Алексеевна Лопсанга, Кызыл хоорайның мэриязының социал политика департаментизиниң килдис начальнигиниң оралакчызы Мария Опаевна Монгушка тывыскан. 

 Россияның Пенсия фондузунуң Тыва Республикада салбырының килдис начальниги Любовь Очур-ооловна Ооржакка «Тыва Республиканың алдарлыг ажылдакчызы» хүндүлүг атты тывыскан.