Тыва кризис үезинде үлетпүр бүдүрүлгезиниң көргүзүүн улгаттырган

  РЭА-ның Делегей экономиказы база чурттар аразының хамаарылгазы институттуң капиталдың делегей рыногу килдизиниң эргелекчизи Яков Миркинниң бодалы-биле алырга, бүгү Россияда бүдүрүлгениң өзүлдези апрель айда 5 хуу кылдыр бүрүткеттинген болза, кризис үезинде ол регионнар «экономиктиг кайгамчык чүүлдү» көргүскен. 

 Ылаңгыя, ажыктыг казымалдар тывыжын Новгород область – 4,1 катап, Кабардин-Балкария биле Соңгу Осетия-Алания - 47 хуу, Тыва биле Тамбов облазы - 40 ажыг хууга көвүдеткен. Энергия, газ база сугну Ростов облазы 34 хуу хөйге, а Кемерово облазы – 22 хуу хөйге бүдүрген. 

 Ооң мурнунда Россияның экономиказы кудулап баткан болза, ол регионнарның ачызында, 2015 чылдың апрельден эгелеп эки көргүзүглерни көргүзүп эгелээн. 

 Ындыг болзажок эрте өөрээн ажыы чок деп, экономист санап турар. Чүге дизе, өске регионнарда буураашкын уламчылавышаан. Чижээ, ийи чыл улаштыр үлетпүр бүдүрүлгези Вологда облазында - 30,1 хуу, Амурда - 23,4, Оренбургда - 14,7, Мордовияда - 19,1 хуу баткан. 2014 чылдан бээр ажыктыг казымалдар тывыжын Алтай Республика - 66,7 хуу, Брянск область - 55,5, Москва область - 42,6, Рязань область - 36,6, Омск область - 27,2 хууга эвээжеткен.