Закрыть
Логин:
Пароль:
Забыли свой пароль?

Войти    

Шолбан Кара-оол тыва суурдан сес харлыг оолду ажылгыр-кежээзи дээш өөрткен

Шолбан Кара-оол тыва суурдан сес харлыг оолду ажылгыр-кежээзи дээш өөрткен 01.06.2016
 Чазак Даргазы Шолбан Кара-оол, Уруглар камгалалының хүнүнде, көдээ оолга белекти берген. 
 «Күш-ажылга ынаа, малчын кырган-ава, кырган-ачазынга дузалажып чорууру дээш, Ак-Эрик суурдан 8 харлыг Айдыс Чаймаага смартфонну Уруглар камгалалының хүнүнде бердим. 
 Мээң адымда арнымче бижээн чагаазындан ооң өг-бүлезиниң дугайында билип алган мен. Бичии оолчук хостуг үезинде ойнаарынга эвес, а төрээн кижилериниң ажыл-агыйынга дузалажырынга ынак, эрес-кежээ кижи болуп тур. Анаа-даа, байырлал-даа хүнүнде анаа олуруп шыдавас – бо удаада кырган-ачазындан хой кыргыырын өөренип ап, чай чок турар. 
 Өөредилгези база эки, эки демдектерлиг үш дугаар классче шилчээн. Эр-хей! Долгааш, байырлал-биле байыр чедирдим!» - деп, Шолбан Кара-оол соцчеткиде бодунуң бижидип алыкчыларынга дамчыткан. 
 Кырган-авазы база чагаа бижиксээн, ынчалза-даа интернет билбези шаптык болду деп, оол дыңнадып бижээн. Шолбан Кара-оол телефон дамчыштыр харылзашкаш, ооң адынче бижээни чылыг сөстери дээш оолга база чоок кижилеринге четтиргенин илередип, бүгүдеге экини күзээн.

Возврат к списку