ЧКА фондузу озал-ондактыг бажыңнардан өскээр көжүреринге 427 млн. рубльди бээр
17.05.2016
МОСКВА, май 16 — Медээлер РИА. ЧКА-ның фондузу, Тывага озал-ондактыг бажыңнардан өскээр көжүреринге 427 млн. рубль хемчээлдиг саң-хөө деткимчезин бээрин, дыңнаткан. Регион кады акшаландырыышкын кылдыр 387 млн. рубльди немээрин ында айыткан.
"Ийи муниципалдыг тургузугнуң террриториязында озал-ондактыг 68 бажыңда чурттап турар 1514 хамаатыны чаа бажыңнарже көжүреринге ол акша-хөреңгини углаар.
Озал-ондактыг бажыңнардан хамаатыларны өскээр көжүреринге база хөй квартиралыг бажыңнарның капиталдыг септелгезинче көрдүнген программаларны боттандырарынга, 2008-2015 чылдарда Тывага 1,97 млрд. рубль акшаны аңгылаан. 609,5 млн. рубльди регион немей акшаландырган.
Ол акша-хөреңги-биле хөй квартиралыг 302 бажыңның капиталдыг септелгезин кылып, 35,4 муң кижиниң чурттаар байдалын экижиткен, озал-ондактыг бажыңнардан 4655 хамаатыны өскээр көжүреринче киириштирген, деп фонд дыңнаткан.
Возврат к списку
|