Тывада сыын ажыл-агыйының девискээринде тудуг ажылдары шапкынчаан

 «Туран» сыын ажыл-агыйы» ТР-ниң күрүнениң унитарлыг бүдүрүлгезинге үнүүшкүннүг хуралды Тываның көдээ ажыл-агый сайыды Юрий Тыт-оол эрттирген. 

 Көдээ ажыл-агый яамызының килдистер начальниктери, «Туран» сыын ажыл-агыйы» ТР-ниң күрүнениң унитарлыг бүдүрүлгезиниң директору А.К. Тундешев база тудуг организацияларының төлээлери, 2016 чылда ажыл-агыйга хамааржыр тудуг ажылдарын, ол ышкаш ооң баазазынга турисчи объектилерни тударының айтырыгларын чугаалашкан. 

  Бо хүннерде сыын ажы-агыйында 16 оруннуг аалчылар бажыңының тудуу шапкынчаан. Өрээлдерин аңгылаан, дээвиирин база ханаларын шеверлеп турар. Ажыл-агыйның баазазында турисчи объектилерниң ол бүгү тудуг ажлыдарын бо чылдың июнь 1-ден 15-ке чедир доозары көрдүнген. 

 Оон аңгыда ажыл-агыйның мал тудар черлерин кажаалаар ажылдарны ам-даа уламчылаар. Сыын ажыл-агый продукциязын болбаазырадыр цех тудуунга херек тудуг материалдарын бо хүнде чедирип эгелээн. Ынчангаш малга бээр хоолулуг чем складын, дезинфекция чорудар тускай черни, котельнаялыг гараж тудуун бо чылын ажыглалга киирер ужурлуг.