Тыва федералдыг программа-биле биче бизнести деткиир акша-хөреңгини камгалап алган

 2016 чылда, Тывага, биче болгаш ортумак сайгарлыкчы чорукту, фермерлерни деткииринге күрүне деткимчези кылдыр 22 млн. 429,6 муң рубльди аңгылаар дугайында РФ-тиң Чазааның ийи айтыышкынынга Россияның Чазааның даргазы Дмитрий Медведев атты салган.

 «Экономиктиг хөгжүлде база инновация экономиказы» күрүне программалары-биле федералдыг субсидияларны үлээн. «Бирээде, ол акша-хөреңгини биче болгаш ортумак сайгарлыкчы чорукту хөгжүдеринче угландырар. Ону үлеп тура, регионда чеже кижи чурттап турарын, тус черниң бюджеттериниң орулгазы кажыл, тус черниң эрге-чагыргазы ооң мурннда берип турганы акшаларны кайы хире ажыктыг чарып турганын өөренип көрген.

 Россияның регионнарда биче бизнести деткээн инфраструктураны тургузарынче база хөгжүдеринче 1,5 млрд. рубльди угландырар. Тус черниң эрге-чагыргалары ол акша-хөреңги-биле бизнес-инкубаторларны хөгжүдүп, оларны чугула дериг-херекселдер-биле дериир ужурлуг. 

  База ол ышкаш, 9,5 млрд. ажыг рубльди биче болгаш ортумак бизнести база тараачын ажыл-агыйларын хөгжүдер дээн регион болгаш муниципалдыг программаларны кады акшаландырары-биле аңгылаан бис» - деп, Россияның Чазааның даргазы акшаларны кайнаар угландырганын тайылбырлаан. 

  Регионга көрдүнген 22,4 млн. рубльдиң хөй кезии, азы 22 млн-ни биче бизнесче киириштирер. Арткан 416,3 муң рубль-биле регионнуң бизнес-инкубаторун хөгжүдер.