Лариса Шойгу: Владимир Владимирович Путин бистиң республикада байдал-биле танышкан

  - Сайгарып чугаалашкан айтырыгларының темазын база чугааның утказын интернеттен шупту номчаан боор. Бистиң республикада байдал-биле Владимир Владимирович Путин танышкан. Шолбан Валерьевич бистиң сорулгаларывысты, нарын айтырыгларывысты, бергедээшкиннеривисти шуптузун тодаргай болгаш билдингир чугаалады. Чамдык айтырыгларны шиитпирлээрде таварышкылаар эки база шаптык када бээр багай талаларын айтып, күүсеттинмейн турарының боттуг чылдагааннарын тайылбырлады. Ындыг болзажок, турум байдалды арттырып алганывыс - биске эң кол чүүл ол.