Наталья Беспалова: Тываның Баштыңы Президентиге чүгле чедиишкиннеривистиң дугайында чугаалаан эвес, бо хүнде тургустунган айтырыглраны база дыңнаткан

 Наталья Беспалова, 1 дугаар республика эмнелгезиниң кол эмчизиниң оралакчызы: 

 - Онзагай болуушкун болган. Россияның Президентизиниң хүлээп алыышкынынга Тываның Баштыңы Шолбан Валерьевич Кара-оол кирип чораан. Республиканың чурттакчыларынга онза чугула ол ужуражылганы чурттуң кол-кол телеканалдарының шуптузунга көргүскен. Бистиң республиканың удуртукчузун күрүне Баштыңының хүлээп алганы безин хөйнү чугаалап турар. Россияның Пезидентизиниң республиканың мурнунда тургустунган сорулгалары билип турары, ооң айтырыгларын кичээнгейге алганы, ону моон соңгаар канчаар хөгжүдерин бодап турары илдең. 

 Күрүне Баштыңы-биле ужуражылга үезинде Шолбан Валерьевич чүгле бистиң чедиишкиннеривистиң дугайын чугаалаан эвес, удуртуп турар регионунуң тургустунуп турар айтырглары-биле база таныштырган. Республиканың чонунуң күзелдерин болгаш идегелдерин чурттуң президентизинге чедирери аажок чугула. Тываның Баштыңы ону күүсеткеш, Тыва эвээш-биче базымнар-биле бурунгаарлап, россйижи күрүнениң сайзыралынга бодунуң салыышкынын киирип турар дээрзин дыңнатты.