- Главная
- Правительство Республики Тыва
- Деятельность
- Поручения
- Документы
- Кадровая политика
- Противодействие коррупции
- Обращения и прием граждан
- Бюджет Республики Тыва
- Год здоровья
- Государственные закупки
- Список системообразующих организаций и предприятий Республики Тыва
- Информационные системы, базы данных, реестры, регисты
- Формирование городской среды
- Национальные и губернаторские проекты
- Реформа контрольно-надзорной деятельности
- Безопасность
- Антитеррористическая комиссия Республики Тыва
- Государственные доклады
- Координационные и совещательные органы при Правительстве Республики Тыва
- Обеспечение общественного порядка и противодействие преступности в Республике Тыва на 2021 - 2024 годы
- НПА определяющие полномочия Правительства Республики Тыва
- Экономика
- Градостроительная деятельность в Республике Тыва
- Перечни объектов недвижимого имущества, находящихся в государственной собственности Республики Тыва и собственности муниципальных образований Республики Тыва
- Рейтинг муниципальных образований
- Военный комиссариат Республики Тыва
- О республике
- Инвестиционный паспорт
- Интернет-приемная
- Официальные документы
- Контакты
- Онлайн-голосование
|
|
Тываның сыын ажыл-агыйы - уксаажыдылга ажыл-агыйы эрге-байдалды алган
26.02.2016
Россияның Көдээ ажыл-агый яамызы ындыг шиитпирни хүлээп алган. Ведомствонуң албан езузунуң сайтызында, уксаалыг мал ажыл-агый организацияларының хевирлерин тодараткан дужаалда, ону айыткан.
Уксаалыг мал ажыл-агый адырында ол ажыл-чорудулганы чорудуп турар юридиктиг черлерниң даңзызында, Россияның 6 регионундан, уксаалыг мал ажыл-агый организациялары болур 8 бүдүрүлге кирген. «Туран» сыын ажыл-агыйы» Тыва Республиканың күрүнениң унитарлыг бүдүрүлгези алтай-саян уксааның сыыннарын азырап-өстүрер талазы-биле уксаажыдылга ажыл-агыйы деп эргени алганы ол.
Уксаажыдылга херээн сайзырадып, көдээ ажыл-агыйында үнелиг, бедик продуктулуг генофондуну, ховар болгаш чидер четкен уксааларны камгалап, чурттуң уксаажыдылга курлавырын тургузуп база ооң чижилгелиг чоруун бедидип, уксаалыг мал ажыл-агыйының талазы-биле нормалар болгаш чурумнарга даянгаш, уксаажыдылга организацияларының ажыл-чорудулгазынга үнелелди бербишаан, ону дээштиг ажыглаар сорулга-биле, уксаалыг мал ажыл-агый организацияларының хевирлерин тодараткан деп, Россияның көдээ ажыл-агый яамызы тайылбырлаан.
Амгы үеде «Туран» сыын ажыл-агыйы» күрүнениң унитарлыг бүдүрүлгезинде 640 баш сыын кыштаглаашкыны хүр эртип, малдың бажы чидириг чок дээрзин, бүдүрүлгениң директору Анатолий Тунтешев дыңнаткан. Ажыл-агыйның курлавырында ам-даа 180 тонна сиген, 100 тонна сула, 6 тонна мал чылгаар дус бар. Малды кара суглардан суггарып турар. Апрель ортанга киир сиген-биле, май 20-ге чедир сула-биле малды азыраарын, специалистер чугаалаан.
Регионнуң удуртукчузу Тывага сыын ажыл-агыйын катап тургузар саналды идип үндүрген. 2012 чылда «2013-2017 чылдарда Тыва Республикага мыйыстыг сыын ажыл-агыйын хөгжүдери» республиканың тускай сорулгалыг программазын ажылдап кылгаш, бадылаан. Бир чыл эрткенде, 2013 чылда, Бии-Хем кожууннуң территориязынга «Туран» сыын ажыл-агыйы» күрүнениң унитарлыг бүдүрүлгези тургустунган. 2015 чылдың июльда ажыл-агый сыын мыйызын бир дугаар кескен.
«Туран» сыын ажыл-агыйы алызында барып хөй талалыг ажыл-чорудулгалыг: уксаажыдылга заводундан аңгыда, сыын мыйызын болбаазырадыр база суй-белек продукциязы кылыр черлиг, турисчи кадыкшылга комплекстиг, кадыкшылга-эмнээшкин санаторийлиг улуг бүдүрүлге болур.
|
|