Тываның Баштыңы Шолбан Кара-оол РФ-тиң ОБЯ-ның бүгү-российжи чыыжында киржип турар
17.02.2016
Февраль 16-да Тываның Баштыңы Шолбан Кара-оол Онза байдалдарны болдурбазының болгаш чайладырының чаңгыс аай күрүне системазының төлээлериниң бүгү-российжи чыылдазының ажыдыышкынга киришкен.
Ук хемчег РФ-тиң Президентизиниң администрацияның, РФ-тиң Чазааның, РФ-тиң Федералдыг Чыыжының, РФ-тиң Айыыл чок чорук чөвүлелиниң, күүсекчи эрге-чагырганың федералдыг органнарының, РФ-тиң субъектилериниң төлээлерин, Россияның ОБЯ-зында хөй-ниити болгаш эксперт чөвүлелиниң кежигүннерин, Россияның ОБЯ-ның Кол эргелелиниң база регион төптериниң начальниктерин чыгган.
Бүгү-российжи чыышты РОБЧ-ниң ажыл-чорудалгазының түңнелдерин үндүреринге, 2015 чылда хамааты камгалалдың хемчеглериниң күүселдезинге база 2016 чылдың сорулгаларынга тураскааткан. Оон аңгыда РФ-тиң субъектилериниң күүсекчи эрге-чагырга органнары биле күүсекчи эге-чагырганың федералдыг органнарының чурттакчы чоннуң ажыл-амыдыралының айыыл чок чоруун хандырарының айтырыгларын шитпирлээринге чаңгыс аай хөделиишкинин сайгарар.
«Москвада чедип келдим. Россияның ОБЯ-зында бүгү-российжи чыышка онза байдалдары чайладырының база хамааты камгалалының талазы-биле планнар күүселдезин чугаалажыр. Кады ажылдажылга болгаш деткимчези дээш бүгү камгалал албанынга, ОБЯ-га Тываның мурнундан онза өөрүп четтириишкинни илередири чугула!» - деп Шолбан Кара-оол бодунуң блогунда бижээн.
Возврат к списку
|