Тываның информхарылзаа яамызы Ростелеком-биле ыраккы суурларның чурттакчыларын Интернет четкизинге кожар

 Тываның Информатизация болгаш харылзаа яамызы республика девискээринде «Чурагайның дең эвес чоруун чайладыры» федералдыг төлевилелди боттандырарын уламчылавышаан. Амгы үеде республиканың 13 суурларында: Тарлаг, Найырал, Сушь, Хөл-Өөжү, Чал-Кежик, Успенка, Көк-Хаак, Терлиг-Хая, Шаңчы, Ак-Чыраа, Авыйган, Хорум-Даг, Сизимче ВОХШ тударының ажылдары адакталган. 

 Федералдыг төлевилелдиң боттаныышкынының дараазында чадазы – ол суурларның чурттакчыларын харылзаага кожары арткан. Яамының специалистери ыраккы Ак-Чыраа, Шанчы суурларга чедип, «Ростелеком» ЭАН-биле элээн каш абонент тургузугларын (ноутбук, смартфон, планшет болгаш өске-даа), бажыңнарда персоналдыг коштунугларны кожар база ажыглаарынга дузаны көгүскен. 

 Айтишниктер суурларның чурттакчыларынга чаңгыс абонент тургузуундан чаңгыс дугаар-биле «Интернет» четкизинче үнүп болурун тайылбырлаан. Бир эвес хары угда элээн каш абонентиден «Инернет» четкизинче кирер деп бодаза, ол хире санныг абонент дугаарлыг болур ужурлуг. Специалистер Интернет четкизинче кирер төлевирниң немелде аргаларын, тариф планнарының өртээн база Интернетче кирерде техниктиг кожулда дугайында тайылбырны берген. 

  Харылзааның волокно-оптиктиг шугуму – төөгүлүг болуушкун дээрзин чурттакчылар демдеглээн: 

 - Бистерде viber, skype, социал четкилер дамчыштыр чоок болгаш төрээн кижилеривис-биле харылзажып, чүгле тус черниң эвес, делегейниң медээлерин номчуп, көөр арга тургустунган-дыр. 

  Тыва Республикада төлевилел езугаар шөйдүнер оптиктиг четкиниң узуну - 987 километр дээрзин сагындыраал. Ол волокно-оптиктиг кабельдиң (ВОК) кезиин - 331 километрин «Тывасвязьинформ» ААН туткан болгаш аңаа хамааржыр (2015 чылда 212 километрни туткан). «Ростелеком» ЭАН-ниң техниктиг негелдези езугаар шөйген ВОК-нуң узуну - 656 километр.