Тываның Баштыңы: хоорай эрге-чагыргазы хөй-ниити транспортунуң ажылының шынарын экижидер ужурлуг
26.01.2016
«Найысылалдың чурттакчылары болгаш аалчылары хөй-ниити транспортунуң депшилгелиг ачы-дузаларын алган турар кылдыр хоорайның эрге-чагыргазы бүгү хемчеглерни чорудар ужурлуг» - деп, Тываның Баштыңы Шолбан Кара-оол санап турар.
Эрткен пятница хүнүнде регионнуң баштыңы Кызылдың пассажирлер АТБ-зинге чедип, автопарыгын көрген. Ол-ла черге Кызыл хоорайга бодунуң микроавтобустарын сүмелээн «Мерседес-Бенц» фирманың төлээлери-биле ажыл-агыйжы ужуражылга эрткен.
Далашпайн, тус черниң агаар бойдузунга даштыкы фирманың автобустары тааржыр бе дээрзин бадыткаары-биле тест-драйвтан эрттирерин республиканың баштыңы саналдаан.
«Кызылга пассажирлер аргыштырылгазын экижидериниң аңгы-аңгы хевирлерин дилеп турар бис. Микроавтобустарын садып алыр дугайында «Мерседес-Бенц» фирманың саналы база бар. Ындыг болзажок, бистиң дошкун агаар-бойдузувуска дизельдиг машинаны баштай шенээр апаар. Бис эвес шенелдени эрте бээр болза, бирги ээлчегде Кызылдың АТБ девискээринге ол транспорттуң техниктиг хандырылга төвүн ажыдарының база бонустар дугайында чугааны чорудар апаар. Өске-даа аргаларны база өөренип көөр бис» - деп, Шолбан Кара-оол бодунуң блогунда бижээн.
Возврат к списку
|