Тыва 2016 чылда турисчи орук айтыкчызын үндүрер

 Чаа номну республикада ажылдап турар турисчи индустрияның төлээлери-биле кады чырыкче парлап үндүрер. Культура яамызының дамчытканы-биле, 2016 чылда оон аңгыда регионга болуп эртер культура, уран чүүл, экономика болгаш эртем адырының хемчеглерин киирген «Болуушкуннар календары» чырыкче үнер.

  «Бо чылын элээн каш улуг хемчеглер туризм болуушкуннарынга чылдагаан болур —деп, культура сайыдының бирги оралакчызы Вера Лапшакова дыңнаткан. Ол дээрге делегей чергелиг дириг хөгжүмнүң болгаш шажынның «Үстүү-Хүрээ» фестивалы, «Өгбелерим чурту» үндезин эвээш санныг чоннарның республика чергелиг чогаадыкчы фестивалы, Тыва Арат Республиканың үндезилеттинип тургустунганының 95 чылынга тураскааткан калбак байырлал-дыр. Республикага оон аңгыда «Евразияның интеллектуалдыг алдыны» делегей аныяктарының 2-ги чыыжы эртер, аңаа «Мисс Азия Россия» конкурузу база болур».

 2016 чыл Тываның аалчыларынга хүндүткел чылы кылдыр чарлаттынган болганда, чаңчыл болдурары-биле амыдыралче чаа байырлалдарны киирери көрдүнүп турар. Чижээлээрге, Шагаа байырлалында «Манчы байырлалы» эртер. Чайгы үеде «Чайлаг байырлалы» деп чаа байырлал болур. Ооң киржикчилери көшкүн мал ажыл-агыйы-биле таныжар аргалыг болур. А шай байырлалының фестивальдарынга национал кухняның амданныг аъш-чем аймаан делгеп, байырлаар.