Информастыг ажык чорук рейтингизинде Тываның Чазаа 29-ку черде

 "Информетр" төлевилелдиң эксперттери Россия Федерациязының 85 субъектилериниң аразындан эрге-чагырга органнарының ажык чоруу-биле үжен черлерниң санынче Тываның Чазаан киирген. 

 2015 чылдың күзүн чоруткан рейтинги-биле регионнарның күүсекчи эрге-чагырганың дээди органнарының сайтыларының ажык чоруунга аудитти тургускан. Хоойлужудулганың негелдези болгаш ажыглакчыларның хереглели-биле эрге-чагырга органнарының албан езу сайтыларынга дүүштүр төнчү түңнелди үндүрген. Демдекти салырынга ниитизи-биле 206 аңгы критерийлерни ажыглаан.

  Рейтингиниң авторларының үнелээни-биле, Тыва 29-ку черде, 58,390 хуу ажык. Бо чылдың майда парлаттынган рейтингиге деңнээрге, республика бодунуң туружун 16,950 хуу экижиткен. 

 Сибирь федералдыг округдуң регионнарындан ажык чорук рейтингизинде Томск биле Омск областарның администрациялары, база Красноярск крайның чазаа эки деңнелде. 

 Ростов, Ульяновск областарның база Ханты-Марий автономнуг областың чазааның сайтылары ажык чоруу-биле 96 хуудан хөй болуп, рейтингини баштаан, а эң-не кудуку черни Севастопольдуң, Чечен база Дагестан Республикаларның чазааның сайтылары ээлээн.