«Тыва Республиканың инженерлер ассоциациязы» регионнуң хөй-ниити организациязы тургустунган
23.12.2015
2016 чылдың мартта республиканың инженерлер ассоциациязының ниити хуралынга харгаадал чөвүлелиниң, баштаар чериниң, күүсекчи дирекциязының дугайында айтырыгларны сайгарары планнаттынган.
Ол ышкаш адырлар аайы-биле секцияларны база аңгылаар: даг-руда үлетпүрү, тудуг болгаш орук-транспорт ажыл-агыйы, энергетиктер, харылзаа болгаш чуртталга-коммунал ажыл-агыйы база аныяк инженерлер секциязы. Тываның экономика яамызының дыңнадыы-биле алырга, регионда инженерлер ниитилежилгезинде шупту 3,5 муң ажыг специалистер кирип турар.
Ассоциацияның сорулгазы - профессионал сонуургалдарынга даянгаш, Тыва Республиканың территориязынга инженерлер ниитилежилгезин организастаары, күрүне эрге-чагыргазының хоойлужудулга болгаш күүсекчи органнарынга, тус чер бот-башкарылга органнарынга, өнчүнүң болгаш юридиктиг бүрүткел хамаарылгазы чокка компанияларга, профэвилел болгаш өске-даа хөй-ниити каттыжыышкыннарынга, даштыкы күрүнелерге болгаш оларның албан черлеринге Ассоциация кежигүннериниң сонуургалдарын камгалап, ону идип үндүрер болгаш инженер мергежилдиң алдар-адын быжыглаар.
Кол ажыл-чорудулгазы:
- Экономиканың бүдүрүкчү секторунуң бүдүрүлгелериниң болгаш компанияларының, сайгарлыкчыларның сонуургалдарын идип үндүрери болгаш камгалаары.
- Дээди болгаш ортумак өөредилге черлеринге кадрларны белеткээр күрүне чагыын тургузарынга киржири.
- Техниктиг угланыышкынныг инженерлерни, техниктерни болгаш ажылчын кадрларны стажировкаладырынга болгаш ажылга тургузарынга дузалажыры.
- Ассоциацияның техниктиг угланыышкынныг аныяк специалистерин сайзырадырынче угланган ажыл-чорудулга.
Возврат к списку
|