Тываның Чазааның Даргазының оралакчызы төлевилел эргелелиниң айтырыгларын кураторларлаар

 Тываның өөредилге болгаш эртем сайыды Каадыр-оол Бичелдей Тыва Республиканың Баштыңының оралакчызында томуйлаткан. Ол күрүне секторунда төлевилел эргелеп-башкарылга чорудуунуң айтырыгларын харыылаар. Оон аңгыда информация политиказын база хайгааралга алган. 

 Тываның өөредилге болгаш эртем сайыдында Россияның алдарлыг башкызы, Күрүне лицеиниң тургузукчузу Татьяна Санчаа томуйлатканын сагындыраал. Чаа сорулгалар болгаш мурнады хөгжүдер угланыышкыннар, организастыг курлавырларны мөөңнээриниң чугулазы-биле, кадрлар айтырыын ынчаар шиитпирлээн. 

 Эрге-чагырга органнарының ажыл-чорудулгазын көскү болдуруп, таарымчалыг административтиг хүрээлелди хевирлеп, инвесторларга инфраструктура айыылын эвээжедип, республика хөгжүлдезиниң мурнады хөгжүдер угланыышкыннар талазы-биле инвестиция киирилдезин көвүдедири-биле төлевилел эргелелин тургускан. Хөгжүлдениң регион төлевилели-ле, ооң боттаныышкынындан төнчү сорулганы чедип алырының, тодаргай "орук картазын" ажылдап кылыр ужурлуг.