Шолбан Кара-оол биле Виктор Озеров ажыл-агыйжы ужуражылганы эрттирген

 Тываның Баштыңы, «Чаңгыс демниг Россия» партияның Дээди чөвүлелиниң кежигүнү Шолбан Кара-оол биле РФ-тиң Федералдыг Чыыжының Федерация Чөвүлелиниң Камгалал болгаш айыыл чок чорук комитединиң даргазы Виктор Озеров ажыл-агыйжы байдалга ужурашканнар. 

 Сенаторнуң регионга келгени база салдынган сорулгаларны кады шиитпирлээринге белени дээш республиканың баштыңы өөрүп четтиргенин илереткен. Регион Политчөвүлелиниң, «Чаңгыс демниг Россия» партияның даргазының регионда Хөй-ниити хүлээп алыышкынының төлээлери, ТР-ниң Дээди Хуралында, Кызыл хоорайның Төлээлекчилер хуралында «Чаңгыс демниг Россия» фракцияның кежигүннери, Партияның, «Чаңгыс демниг Россияның Аныяк гвардиязының» тус черлерде салбырларының эге организациялары-биле ужуражылгаларны эрттирери планнаттынганын Виктор Озеров дыңнаткан. 

 «Бистиң кады ажылывыстың түңнелдери дээш шупту харыысалгалыг бис. Соңгулдаларның онзагайы чүдел дизе, бүгү Тыва – чаңгыс соңгулда округу болур. А Красноярск крайда дөрт округ бар. Бистиң эң-не кол айтырыывыс – төнчү сорулганы көөрү. Ол дээрге сентябрь 18-те эртер Россияның Күрүне Думазынче соңгулдаларга тиилээри-дир. «Чаңгыс демниг Россия» партияның үндезилекчилериниң бирээзи Сергей Шойгу силерниң чаңгыс чер чуртууңар болганда, ол үш дакпыр харыысалгалыг болгаш хүндүткелдиг» - деп, Виктор Озеров демдеглээн.