Красноярск крайда авиакатастрофадан кижилерниң мөчээни-биле холбаштыр Тываның Баштыңы кажыыдалын илереткен

 Тываның Баштыңы Шолбан Кара-оолдуң телеграммазында мынча деп бижээн:

 «Хүндүлүг Виктор Александрович! "Турухан" авиакомпанияның МИ-8 вертоледунуң озал-ондакка таварышканындан Красноярск крайның чурттакчыларының чок болганы-биле Силерге кажыыдалды Тыва Республиканың Чазааның база бодум өмүнээмден илереттим. Мөчээн пассажирлерниң чоок кижилеринге ханы кажыылдалдың база деткиишкинниң сөстерин, а когарааннарга дүрген сегиириниң күзээшкинин дамчыдып көрүңер».

  Ноябрь 25-те «Турухан» авиакомпанияның МИ-8 вертоледу Игарка аэропортунуң чоогунга аңдарылган. Вертолет Ванкор чыдымынче ужуп үнгеш, тус чернии-биле 10.17 шакта харылзаадан үнген. Дилээшкин ажылдарының үезинде вертолетту аэропорттан ужуп үнген черден ийи километрде, Енисей хемниң оң чарыында, ийлени берген чыдар кылдыр тып алган. Барыын-Сибирьниң транспорт прокурорунуң сөөлгү дыңнадыы-биле алырга, камгалакчылар аңдарылган вертолеттан 15 кижиниң мөчүзүн тыпкан, 10 кижини эмнелгеде чедирген. 

 Ноябрь 27-де Красноярск крайда Кажыыдал хүнүн чарлаан.