Ноябрь 18-те Тываның Баштыңы 2016 чылда инвестицияга хамарыштыр айыткалын таныштырар

 Бөгүн, ноябрь 18-те Чазак кежигүннери, Тываның Дээди Хуралының депутаттары, эртемнер, кожуун чагырга болгаш хоорай округ даргалары, федералдыг структуралар удуртукчуларының, бизнес ниитилежилге болгаш улуг инвестиция компанияларының төлээлериниң киржилгези-биле ТР-ниң Чазаанда Экономиктиг чөвүлелдиң хуралы болур. 

 Тываның Баштыңы Шолбан Кара-оол «2016 чылда Тыва Республиканың инвестиция климады болгаш инвестиция политиказы» чыл санының айыткалын чөвүлел кежигүннериниң болгаш чалаттырганнарның мурнунга илеткээр. Регионда инвестиция климадын болгаш инвестиция политиказын экижидеринче угланган комплекстиг хемчеглерни ол таныштырар.

  2015 чылдың 9 айында кол капиталда инвестицияның хемчээли эрткен чылдың ол-ла үезинге деңнээрге 19,4 хуу өзүлделиг болуп, 8 млрд. рубльга дең. Тывада амгы үеде инвестицияның каттышкан хемчээли 350 млрд. рубльга дең чеди улуг инвестиция төлевилелдери боттаныышкында.