Ноябрь 20-де делгелге-ярмаркада 2015 чылда Тывада «Чаңгыс суур – чаңгыс бүдүрүлге» төлевилелдиң боттаныышкынының түңнелдерин үндүрер

 2015 чылда «Чаңгыс суур – чаңгыс бүдүрүлге» губернатор төлевилелиниң боттанылгазының түңнели болур делгелге-ярмаркага белеткел Тывада эгелээн. Делгелге ноябрь 20-де «Субудей» спорт комплекизинге ажыттынарын ярмарканың организатору ТР-ниң Экономика яамызы дыңнаткан. Аңаа 160 хире бараан бүдүрүкчүлери киржип, аъш-чем аймаан, улусчу уран чогаадылга эдилелдерин, тус черниң бүдүрүкчүлериниң кылган чүүлдерин делгеп садарын экономика сайыды Елена Каратаева дыңнаткан. 

 Ярмаркага доктаамал эккээр экпозициялардан аңгыда, элээн каш чаа чүүлдерни база бараалгадыр. Чижээлээрге, республикада тыва кадарчы ыттар азыраар хуу черниң ээзи бодунуң эгелээшкининиң баштайгы үре-түңнелин көргүзер. Оон аңгыда Кызыл хоорайда «Вебмедиаресурс» КХН компанияның электроннуг садыы мобильдиг капсырылгазын хөйге таныштырар. 

 Делгелгениң тергиин киржикчилеринге дипломнар болгаш өртектиг шаңналдарны тыпсыр. Губернатор төлевилелиниң оон-даа ыңай боттанылгазының талазы-биле «төгерик столду» база эрттирери планнаттынган. Республиканың Экономика яамызының баш бурунгаар санаашкыны-биле алырга, ам болур делгелге үезинде 5 млн. ажыг рубльге барааннарны садып-саарар, эрткен чылдың көргүзүүнге деңнээрге ол 6 хуу хөй (4,7 млн. рубль).