Тываның Баштыңы Шолбан Кара-оол Египетке авиакатастрофага мөчээннерниң төрээннеринге болгаш чоок кижилеринге кажыыдалын илереткен

 Тываның Баштыңы Шолбан Кара-оол бодунуң база республиканың хөй националдыг чонунуң мурнундан Египетке авиакатастрофага мөчээннерниң төрээннеринге болгаш чоок кижилеринге кажыыдалын илереткен. 

  «Российжи самолет коргунчуг айыыл-халапка таварышкан. Ол рейске төрээн болгаш чоок кижилерин чидирген кижилерге ханы кажыыдалды илереттивис» - деп бодунуң блогунда Шолбан Кара-оол бижээн. 

  «Когалымавиа» компанияның Airbus A321 российжи самолеттуң Шарм-эль-Шейх - Санкт-Петербург рейизи Синай чартык ортулуктуң соңгу чүгүнге айыыл-халапка таварышкан, камгалакчылар бузундулар аразындан 150 ажыг кижиниң мөчүзүн тыпкан.

  Египетке айыыл-халап болган черде суд эксперт төвүнүң специалистери ужуп чеде берген.

 Египетте Эль-Ариштен 100 км хире черге российжи самолет аңдарылган. Бортка 217 пассажир база экипажтың чеди кежигүнү чораан. РФ-тиң Истелге комитеди самолеттуң аңдарылганы-биле кеземче херээн оттурган. 

 Лайнерге колдуунда Россиядан туристер чораан. Оон аңгыда чок кижилерниң аразында Украинаның болгаш Белоруссияның хамаатылары база бар.