29.10.2015
Чоннарның чаңгыс деминиң хүнүнге уткуштур «Россия сегодня» бүгү-делегей информастыг агентилели «#мында эки» («#здесьхорошо») деп аттыг бүгү-российжи социал угланыышкынныг флеш-бомну эгелээн.
Россияның база регионнарның бот-тускайлаң овур-хевирин хевирлеп, чурттуң чурттакчы чонунуң патриотчу сеткил-хөөнүн кижизидер сорулга-биле акцияны эрттирип турар.
«Россия сегодня» ИА делегей политиказының, бизнестиң, уран чүүлдүң база федералдыг спорттуң билдингир кижилерин, ол ышкаш четкиниң ажыглакчыларын акцияга киржир кылдыр хаара тударын планнаан. «Россия сегодня» МИА-ның социал четкилерде шупту инернет курлавырлары база аккаунтылары акцияны деткип турар. Флеш-мобну көргүзер шөлчүгеш кылдыр эң-не нептереңгей социал четкилерни: vkontakte, facebook, twitter, instagram шилип алган.
Акцияга киржирде Россияның кайы-даа булуңунга тырттырган фоточуруу-биле четкилерге салгаш, #мында эки хэштег-биле чурукта ол чер чүнүң-биле онзазын айтыр. Чижээлээрге, Байкалдан фоточурукка «#мында балыктаары эки» деп бижимел-биле азы өөренип турар черин «#мында өөренири эки» деп айтып болур. Оон аңгыда фоточурукту кайы черге кылганын айтыры чугула.
Акцияга киржириниң хевирлери:
- ведомствонуң баштыңының хууда аккаунтызында фоточурукту салыры;
- ведомствонуң албан езузунуң аккаунтызынга информацияны салыры;
- калбак хөй-ниитиниң ортузунга информацияны тарадыры.
Акцияның түңнелдери-биле эң-не аас-кежиктиг регионнуң рейтингизин тургузуп, «эң-не аас-кежиктиг регионну» база росcийжилерниң эң-не ынак чорудуун илередир. Социал четкилерде шинчилелдерни чорударынга мергежээн Brand Analytics компания түңнелдерни санаар. Эң-не эки чуруктарны «Мында эки» («Здесь Хорошо») темалыг делгелгеге парлап, агентилелдиң ria.ru сайтызынга база өске-даа курлавырларга салыр.
Акция 2015 чылдың октябрь 26-дан ноябрь 4-ке чедир болур.