Тываның эрге-чагыргазы кааңнаашкындан когараан ажыл-агыйларга регионнуң курлавыр фондузундан дузалаар
06.10.2015
Тываның мал ажыл-агыйында малдың баш санын камгалаар болгаш мал чеминиң четчир курлавырын тургузар хемчеглерни ап турар. Кышкы үеде мал чеминиң чогуур курлавырын тургузары-биле, республиканың курлавыр фондузунуң акша-хөреңгизин ажыглаарын Тываның Баштыңы Шолбан Кара-оол айыткан. Малдың баш санынга четчир мал чемин садып алырынга, күрүне курлавырындан 8,03 млн. рубльди аңгылаарын республиканың саң-хөө яамызынга дааскан.
Тывага бо чайның баштайгы чартыында 40 градустан бедик, канчаар-даа аажок ышкам, изиг, кургаг хаттарлыг болганын сагындыраал. ТР-ниң Көдээ ажыл-агый яамызының медээзи-биле алырга, тарылга шөлдеринде тараан культураларның барык хөй кезии изигден кадып кургаан, ол ышкаш республиканың 15 кожуунунуң мал одарладыр шөлдеринде оът-сиген үнмээн.
Возврат к списку
|