Роман Гордеев: «Евразияның интеллектуалдыг алдыны» шуулган – культурлуг шок-тур!

 «Культура. Өөредилге. Сагыш-сеткилдиң арыы» шөлчүгештиң баштайгы хүнүнде командалар кичээли эрткен: алды команданың киржикчилери культура өнчү-салгалын кадагалавышаан регионну хөгжүдери, регион чергелиг культура төлевилелдерин тургузары, чаа культура баазазынга культура-төөгү өнчү-салгалын эде бодаарының дугайында сайгарылгалыг чугааны чорутканнар. 

Роман Гордеев, Алтай Республикадан киржикчи: 

 «Евразияның интеллектуалдыг алдыны» шуулган – культурлуг шок-тур! Экскурсия программазынга дыка таарзындым. Кызылда бир дугаар келдим, Тываның кайгамчыктыының болгаш чаражының дугайында дыңнаан мен, шынап-ла, дыка чараш скульптура комплекизи бар-дыр. Шуулганның профессионал деңнелде организастаанын дыка кайгадым, шөлчүгештерде магалыг таарымчалыг байдалдар. Ээлдек организаторлар, волонтерлар, чугула айтырыгларны сайгарарда эки байдалдар, ылаңгыя бистиң регионнарның, Алтайның база Тываның, Евразийжи делгемде интеграция айтырыы. Практиктиг кичээлдерни эртип, чидиг айтырыгларны кезектеп, ону шиитпирлээри-биле идип үндүрүп, ол азы өске төлевилелди боттандырарының тургузуун дем-биле шиитпирлеп турдувус. Культура болгаш өөредилге адырында төлевилелдер ажылдап кылганы тергиин школа-дыр. Шуулган – культуралар, билиглерниң евразийжи масштабтыг диалогу-дур». 

  Эртен, сентябрь 19-та, лекторлар болгаш тренерлер бөлүктер-биле культура-өөредилге төлевилелдерин ажылдап кылыр талазы-биле ажылды уламчылаар. Сорулга – национал болгаш делегей ареназынга Тываның чаа культура овур-хевирин тургузары.