Тываның Баштыңы арга-арыг өрттериниң үезинде серемчилелдиг болурун кыйгырган

 «Бооп болбаан кааңнашкын! Кажанда-даа тайга мындыг кургаг чытканын сагынмас-тыр мен! Чаңгыс чер чурттугларым, арга-арыгга от-биле кончуг оваарымчалыг болуруңарны силерден диледим. Аргалыг-ла болза, арга-арыгже кирбеңер. Дыка хөй кожууннарда чагган кезек чаъстар – бичии када соксаш дигген дыш-тыр. Ол үени ажыглап, өрттү өжүрүңер. Чаъстыг хүннерде, кижилерни мөөңнеп, аргалыг болза эртенги үени ажыглааны дээре. Бо хүннүң байдалы-биле Тес-Хем кожуунда байдал нарын, ынаар Күрүнениң арга-арыг комитединиң удуртукчузун чоруттум. Бай-Тайга биле Барыын-Хемчик кожууннарда чаңгыс-даа чаъс чагбаан. Кожууннарның баштыңнары, кижилерниң болгаш мал-маганның айыыл чокчоруун, баштары-биле харыылаар» - деп, Тываның Баштыңы негелдени салган. 

  Август 10-нуң медээзи-биле, Тыва Республиканың арга-арыг фондузунуң черлеринде 5426 га шөлде 17 арга-арыг өрттери бүрүткеттинген. 

 Хып турар 15 арга-арыг өрттери 5236,5 га черни ээлээн, ооң иштинде – 5156 газы арга-арыгда, 189,5 га арга-арыгда 2өрттү өжүрген. 

 Тывада арга-арыг өжүреринде 332 кижини, 37 санныг техниканы хаара туткан.