Тывада августуң 15, 16 и 17 хүннерин байырлалдың дыштаныр хүннери кылдыр чарлаан

 1999 чылдың февраль 12-де № 143 «Тыва Республиканың байырлал хүннериниң дугайында» Тыва Республиканың хоойлузунуң 1 чүүлүнге дүүштүр, Тыва Республиканың күрүне байырлалдарынга чылдың-на август 15-те демдеглеп турарывыс Тыва Республиканың хүнү база хамааржыр. Ол хоойлунуң нормазы езугаар Тыва Республиканың хүнү - ажылдавас байырлал хүнү болур. 

 2015 чылда Тыва Республиканың хүнү суббота хүнүнге таварышкан. Россия Федерациязының Күш-ажыл кодекизи база «Тыва Республиканың байырлал хүннериниң дугайында» Тыва Республиканың хоойлузу езугаар, дыштаныр хүн биле ажылдавас байырлал хүнү каттыжа бергенде, байырлал соонда ажыл хүнүн дыштаныр хүн кылдыр санаар.

 Ынчангаш 2015 чылдың август 15-тиң суббота хүнүн, 2015 чылдың август 17-же, понедельникче чылдырар.