Сергей Шойгу биле Михаил Оюн дээш Интернет бадылаашкынга киржиңер!

«XXI вектиң Сибири» (sib21vek.ru) сайтыга март 18-19 дүнезинде «Чылдың сибирьжизи» деп Интернет-бадылаашкын эгелээн.Бо Интернет-бадылаашкын кымдан-даа, чүден-даа хамаарышпас, ооң организакчыларының боттарының акша-хөреңгизи-биле эрттирип турар төлевилел. Ооң удуртукчузу Алексей Одинцовтуң дыңнадыы-биле алырга, тускай чөвүлел «Чылдың сибирьжизи» деп Интернет-бадылаашкынга 50 кордакчыларны саналдаан. Ада-чурттуң, чоннуң мурнунга оларның ачы-хавыяазын, ат-алдарын шүүп көргеш, Интернет-бадылаашкынче 38 кордакчыларны киирген.
  Оларның аразында Тываның оолдары – Россияның Камгалал сайыды, Россияның Маадыры Сергей Шойгу, эрткен чылын Лондонга болган Паралимпиаданың чемпиону ча адыгжызы Михаил Оюн база бар.
   «XXI вектиң Сибири» сайтка Интернет-бадылаашкын 10 хонук үргүлчүлээш, март 28-29 дүнезинде доостур.
   Тываның болгаш Россияның шылгараңгай оолдары Сергей Шойгу биле Михаил Оюн «Чылдың сибирьжизи» деп атка төлептиг. Олар дээш «XXI вектиң Сибири» сайтка Интернет-бадылаашкынга шупту киржиилиңер!