Закрыть
Логин:
Пароль:
Забыли свой пароль?

Войти    

Тыва национал театр – Сибирьниң театрлар ассоциациязының кежигүнү

Тыва национал театр – Сибирьниң театрлар ассоциациязының кежигүнү 11.03.2013
    В.Көк-оол аттыг Национал хөгжүм-шии театрының директору, Тываның улустуң артизи Станислав Ирильдиң удуртулгазы-биле делегация база Россияның театр ажылдакчыларының эвилелиниң Тывада салбырының харыысалгалыг секретары, режиссер Марина Идам Новосибирск хоорайга февраль 25-тен март 1-ге чедир болган Сибирьниң театр форумунга киришкеш келген.
     Кичээлдер, семинарлар болгаш хуралдар Россияның алдарлыг театр ажылдакчылары Александр Калягинниң, Кама Гинкастың, Екатерина Гранитованың, Марина Давыдованың, Давид Смелянскийниң болгаш оон-даа өскелерниң удуртулгазы-биле эртип турган. Ол ышкаш форумнуң кызыгаары-биле IETM Бүгү-делегейниң уран чүүл күүселдезиниң хөгжүлде четкизиниң төлээлери-биле база ужуражылга болган. Тываның театр артистери болгаш специалистерниң демдеглээни-биле, семинарлар оларга ажыктыг болуп, эки энергия-биле хандырган болгаш, олар ам театрның планнарын боттандырары-биле чаа күш-биле ажылдап эгелээринге белен.
   Станислав Ирильдиң бодап турары-биле алырга, ук сургакчылаашкын үре-түңнелдиг болган. Ол: «Сибирь федералдыг округтуң театр ассоциациязынче киргенивис биске дыка чугула. Ол театр уран чүүл адырының кол айтырыгларын шиитпирлээринге киржир арганы бээр. Тываның театр уран чүүл херээниң үр хуусаалыг хөгжүлдезиниң концепциязы шын дээрзинге бис база катап бүзүредивис» деп демдеглээн. 

Возврат к списку