Март 7 - де Тыва Республикада кажыыдал хүнүн чарлаан

Тыва Республиканың Баштыңы Шолбан Кара - оол  Мөңгүн - Тайга кожуунга  харлыг көшкениң батканы - биле айыыл - халап  болган ужун 2013 чылдың март 7 - ниң хүнүн республикага кажыыдал хүнү кылдыр чарлаан. Ук Чарлыкта  айытканы - биле:

“2013 чылдың март 3 - түң хүнүнде Мөңгүн - Тайга кожуунда  Мугур - Аксы суурнуң соңгу талазында 17 км. черде турар Ак - Баштыг деп дагдан харлыг көшке баткан түңнелинде кижилер когараанындан айыыл - халапка таварышкан   өг - бүлелерге ханы кажыыдалды илередип, доктаадырым болза:  

1.     2013 чылдың март  7 - ниң хүнүн Тыва Республикага кажыыдал хүнү кылдыр чарлаар.

2.     Кажыыдал хүнүнде Тыва Республиканың девискээринге Тыва Республиканың Күрүне туктарын бадырар.

3.     Кажыыдал хүнүнде культура албан черлеринге болгаш телерадиокомпанияларга улусту  хөгледир хемчеглерни  болдурбас.

4.     Бо Чарлыкка ат салган хүнден эгелеп күш кирер.

 Тыва Республиканың Баштыңы    Ш. Кара - оол

2013 чылдың март 6 .