- Главная
- Правительство Республики Тыва
- Деятельность
- Поручения
- Документы
- Кадровая политика
- Противодействие коррупции
- Обращения и прием граждан
- Бюджет Республики Тыва
- Год здоровья
- Государственные закупки
- Список системообразующих организаций и предприятий Республики Тыва
- Информационные системы, базы данных, реестры, регисты
- Формирование городской среды
- Национальные и губернаторские проекты
- Реформа контрольно-надзорной деятельности
- Безопасность
- Антитеррористическая комиссия Республики Тыва
- Государственные доклады
- Координационные и совещательные органы при Правительстве Республики Тыва
- Обеспечение общественного порядка и противодействие преступности в Республике Тыва на 2021 - 2024 годы
- НПА определяющие полномочия Правительства Республики Тыва
- Экономика
- Градостроительная деятельность в Республике Тыва
- Перечни объектов недвижимого имущества, находящихся в государственной собственности Республики Тыва и собственности муниципальных образований Республики Тыва
- Рейтинг муниципальных образований
- Военный комиссариат Республики Тыва
- О республике
- Инвестиционный паспорт
- Интернет-приемная
- Официальные документы
- Контакты
- Онлайн-голосование
|
|
70 чыл-биле байыр чедириишкиннери
24.10.2014
Тываның Баштыңы Шолбан Кара-оолдуң адынга Россияның политиктери Николай Рыжковтан болгаш Геннадий Зюгановтан байыр чедириишкиннериниң телеграммалары келген.
Олар регионнуң удуртукчузун болгаш хөй националдыг республиканың чурттакчыларын ССРЭ-ниң составынга Тыва Арат Республиканың каттыжып киргениниң октябрь 11-де демдеглээни 70 чылы-биле байыр чедиргеннер. Байыр чедирген телеграммаларда мындыг сөстер бар:
«Хүндүлүг Шолбан Валерьевич! ССРЭ-ниң составынга Тыва Арат Республиканың эки тура-биле каттыжып киргениниң 70 чыл байырлалы-биле Силерге чүректиң ханызындан байыр чедирип тур мен. Бот-догуннаан күрүнелиг-даа болза, тыва чон бодунуң күзелин езугаар Россияның чоннары-биле каттышкан. Россияның составынга тывалар бажың-балгаттыг, өг-бүлелиг апарганнар. Ол болуушкуннуң түңнели төөгүлүг ханы үндезинниг. Ол түңнел аңгы-аңгы салгалдың, сөөк-язының, политиктиг үзелдиг кижилерни чаңгыс аай хөй националдыг чон кылдыр каттыштырган. ССРЭ-ниң Дээди Совединиң Чөөн Сибирьден, ооң иштинде Тывадан депутады турган үемни улуг сеткил ханыышкын-биле сактыр мен. Бөгүнгү Тыва — федерацияның дең эргелиг болгаш аныяк субъектизи. Совет үеде ону келир үеже чүткүлдүг республика деп адап турган. Бөгүн Тыва чурттуң удуртулгазынга даянмышаан, бүзүрелдии-биле бурунгаарлап орар. Байырлал-биле, эргим тывалар! Силерге аас-кежиин, кадыкшылды болгаш чаагай чүүлдерни күзедим.
Федерация Чөвүлелиниң силерни хүндүлээр
кежигүнү Николай Рыжков».
 «Хүндүлүг Шолбан Валерьевич! Эргим тывалар! Бистиң Ада-чуртувустуң кайгамчык хүнү — Тыва Арат Республиканың ССРЭ-ниң составынга каттыжып киргениниң 70 чылы-биле мээң байыр чедириишкинимни хүлээп ап көрүңер. Тыва — ол дээрге Сибирьде улуг ужур-дузалыг культура-төөгүлүг регионнарның бирээзи. Ада-чурттуң Улуг дайынының аар-берге чылдарын эгин кожа чурттап эрткен бис, фашист эжелекчилерни чылча шапкаш, чурттаар оран-сававысты тайбың байдал болгаш чөпшээрежилге-биле туткан бис. Тыва чоннуң чечектелиишкининге болгаш Россияның чоннарының өг-бүлезинге улуг келир үени тургузуп алырынга байдалдарны тургускан ниити өгбелеривиске чоргаарланыр эргелиг бис. Планнарыныңарның күүселдезинге чедиишкиннерни күзедим! Бүгү тываларга аас-кежиин, чаагай чүүлдерни күзедим.Ханы хүндүткел-биле, РФ-тиң Күрүне Думазында РФКП фракциязының удуртукчузу, РФКП-ниң ТК-зының Даргазы Геннадий Зюганов».
|
|