Тывада хөй кижи бадылаан

Бадылаашкыннарның чаңгыс аай хүнүнде (сентябрь 14-те) Сибирьниң федералдыг округунуң (СФО-нуң) чурттакчылары губернаторларны, муниципалитеттер баштыңнарын болгаш аңгы-аңгы деңнелдерниң депутаттарын соңгааннар. 

Новосибирскиниң, Красноярск болгаш Алтай крайларның, Алтай Республиканың чурттакчылары  губернаторларын шилээннер, Хакасияда, Тывада  болгаш Забайкальеде депутаттар соңгулдалары болган.

Новосибирск областың губернаторунуң соңгулдаларынга 12 шактың байдалы-биле соңгукчуларның 12,3 хуузу бадылааннар. Областың соңгулда комиссиязының даргазы Юрий Петухов бадылаашкыннар оожум байдалга эртип турар деп дыңнаткан. Ол областың губернатору албан-дужаал дээш үш кордакчы — регион баштыңының хүлээлгезин түр күүседип турар Владимир Городецкий («Чаңгыс демниг Россия») болгаш регионнуң хоойлужудулга хуралының депутады Анатолий Кубанов («Чөптүг Россия») болгаш РФ-тиң Күрдума депутады Дмитрий Савельев олар демисешкеннер.

Красноярск крайның губернатору албан-дужаалга Иван Серебряков, Николай Трикман, Виктор Толоконский, Валерий Сергиенко болгаш Денис Побилат олар соңгудар дээш демисежип турганнар. Алтай крайны баштаар дээн демиселге Олег Боронин, край губернаторунуң хүлээлгезин түр күүседип турар Александр Карлин, Владимир Кириллов, Андрей Щукин болгаш Сергей Юрченко олар киришкен.

Хакасия Республиканың соңгукчулары республиканың Дээди Совединиң алдыгы чыыжының ийи депутадын, Аскиз, Бейск, Орджоникидзе районнарның, Сорск хоорайның баштыңнарын, а ол ышкаш көдээ Советтерниң депутаттарын соңгааннар.

Тыва Республикада Дээди Хуралдың (парламентиниң) депутаттарының соңгулдалары болуп эрткен. Тус чернии-биле 12.00 шакта соңгукчуларның 29,81 хуузу бадылаан. Чурум хажыдыышкыннары бүрүткеттинмээн.

Республика парламентизинде 32 олутче чеди политиктиг партияның төлээлери болгаш боттарын депшиткен 200 ажыг кижи кордап турган.

ИТАР-ТАСС.