Найысылалдың төлептиглеринге

Сентябрь 11-де Орус культура төвүнге Кызыл хоорайның муниципалдыг албан черлериниң ажылдакчыларын база хоочуннарын чыып, байырлыг байдалга шаңнап-мактаан.

Зал долдур чыылган чонга «Найысылал» бөлүүнүң ыраажылары байыр чедирип, аян туткан соонда, Кызыл хоорайның мэри В.Т.Ховалыг биле Төлээлекчилер хуралының баштыңы Д.И.Оюн юбилейлиг медальдарны, хүндүлел бижиктерни база өөрүп четтириишкиннерни шаңналдарга төлептиг хоочуннарга тывыскан.  

Кызыл хоорайның социал-экономиктиг, культурлуг хөгжүлдезинге улуг үлүг-хуузу, хөй чылдарда үре-түңнелдиг ажылы дээш база Россия биле Тываның демнежилгезиниң болгаш Кызыл хоорайның тургустунганының 100 чылын таварыштыр юбилейлиг медальдар-биле 45 чыл күш-ажыл стажтыг инфекционист эмчи Тамара Алексеевна Асташеваны, 60 чыл башкылаан, хөй-ниитичи Раиса Исхановна Биче-оолду, көдээ ажыл-ишчи, партия албанының хоочуну Мартыс Ховалыгович Дапыкты, 40 ажыг чыл стажтыг эмчи сестразы, хөй-ниитичи Анна Борисовна Даргатты,  «Тыва» КТРК-ның хоочуну, Россияның культуразының тергиини Галина Темировна Дүгержааны, Кызылдың күрүлетпүр комбинадының хоочуну, амыдырал хандырылга албанының тергиини, даараныкчы Телгер Чамбаловна Енданны, социал хандырылганың хоочуну, РСФСР-ниң Социал хөгжүлде яамызының хүндүлүг адының эдилекчизи Александра Павловна Зайцеваны, Кызыл хоорайның мэриязының культура, уран чүүл, спорт болгаш аныяктар политиказының массалыг организация болгаш байырлыг хемчеглер эрттирер салбырының кол специализи Аюхан Сергеевич Колду, «Шын» солунга», «Улуг-Хем» сеткүүлүнге корректорлап чораан, Тываның ном үндүрер чериниң хоочуну Дырбак Халбыновна Күнзегешти, Россияның литература фондузунуң регионалдыг салбырының директору, «Улуг-Хем» сеткүүлдүң хоочуну Черлиг-оол Чашкынмаевич Кууларны, ТР-ниң хамааты байдалдың акты бижилгезиниң эргелелиниң хоочуну Наталья Кородаевна Монгалбиини, «Тыва» КТРК-ның хоочуну, Россияның хүндүлүг радизи Александра Санчаевна Монгушту, ТР-ниң культуразының алдарлыг ажылдакчызы, журналистиканың хоочуну Галина Шырвановна Монгушту, Ада-чурттуң Улуг дайынының хоочуну, даараныкчы Оржунмаа Допчаевна Монгушту, саң-хөө адырының хоочуну Мирца Валерьевна Огоренкону, библиотека системазының хоочуну Мария Ивановна Оюнну, Көк-оол аттыг хөгжүм-шии театрының хоочуну Надежда Торлуковна Оюнну, ТР-ниң суд, шүүгү системазының хоочуну Долгар Ондаровна Оюн-Бартанны, 48 чыл стажтыг, саң-хөө системазының хоочуну Галина Георгиевна Пестереваны, Төлээлекчилер хуралының депутады, «Суг-канализация системазы» ААН-ниң оператору Роман Сергеевич Поманисочкинни, партия организациязының хоочуну, журналист Клара Сергеевна Сааяны, Тыва АССР-ниң Садыг яамызының, ТР-ниң соодулга комбинадының хоочуну Манмаа Ламажаповна Таспанчикти, ТКУ-нуң хоочуну, чырыдыышкынның тергиини Серин Кыргысовна Чоксумну шаңнаан.

Кызыл хоорайның хөгжүлдезинге хөй чылдарда үре-түңнелдиг ажылы дээш Кызыл хоорайның мэриязының Хүндүлел бижии-биле А.А.Чаянмааны, Ш.В.Монгушту, В.И.Хаджиевти, С.К.Ооржакты, Р.В.Тондувайны, О.О.Сатты, С.В.Монгалбиини, Н.Э-М.Ондарны, В.Н.Кара-Салды, Л.В.Уюсованы, В.И.Черепанованы, Р.Ч.Капакайны, В.Н.Санааны, А.А.Араптанны, О.Ч.Ооржакты, Ж.Ч.Ооржакты, В.С.Ондарны, М.С.Ондарны, Б.Ю. Ховалыгны, А.Д.Аракчааны, С.В.Монгушту шаңнаан.

Кызыл хоорайның хөгжүлдезинге хөй чылдарда үре-түңнелдиг ажылы дээш Кызыл хоорайның мэриязының Өөрүп четтириишкинниң бижиин В.Д.Киревинге, А.К.Донгакка, Э.В.Дажынайга, Р.К.Анваарга, Р.Н.Биче-оолга, Н.Ю.Середкинага тывыскан.

Шаңнал алган ТР-ниң суд, шүүгү системазының хоочуну Долгар Ондаровна Оюн-Бартан: «Тывага көрүп көрбээним улуг байырлал болду. Мындыг чараш, чаарттынган хоорайны көөр аас-кежиктиг болганымга, аңаа чедир чурттаанымга өөрүп тур мен. База бистиң ажыл-иживисти үнелеп, чыып алгаш, байырлыг байдалга шаңнап-мактап, хүндүлеп турары дээш өөрүп четтиргенимни илередир-дир мен».

Россияның литература фондузунуң регионалдыг салбырының директору, «Улуг-Хем» сеткүүлдүң хоочуну, Тываның Улустуң чогаалчызы Черлиг-оол Чашкынмаевич Куулар: «Байырлалдар бүдүүзүнде Тывадан дашкаар чурттап чоруур чаңгыс чер-чурттугларывысты чыып турганы кончуг эки болду. Москвада ажылдап-чурттап чоруур Виктор Норбу Тываның агым хемнериниң күжүн ажыглап, электри станциязын тургузарын сүмелээни дыка чөптүг-дүр. Сүт-Хөлдүң, Бай-Тайганың Хемчик хемин ынчаар ажыглаарын ол кожууннарның депутаттарынга сүмелээр-дир мен. Тываның келир үеде хөгжүлдезинге кайгамчык эки. Ийиде, Тываның төвүнге чаңгыс-ла хөгжүм-шии театры турарга, уран чүүлдүң өзүлдезинге идиг чок. Ак-Довуракта С. Каадыр-оол аттыг орду анаа туруп турар, ону профессионал театр кылыр болза, ийи театр аразында чижип тургаш, уран хөгжүлдеге чаа агымны киирер апаар. Хоочуннарны чыып алгаш, медальдар-биле шаңнап турары эки-дир, кижиниң хей-аъды көдүрлүр-дүр».

Кызыл хоорайның төлептиг хоочуннарынга Аюхан Кол «Кызылым» деп ырызын бараалгаткан соонда, байырлал шайлаашкыны-биле доозулган.

Алдынай СОЯН